نشرت صفحة “Children’s Cancer Center of Lebanon (CCCL)” عبر فيسبوك قصة دينا التي احتفلت بشفائها من السرطان لكن المرض الخبيث عاد ليحاربها من جديد
وجاء في المنشور ما يلي:
من وقت قصير، احتفلت دينا بشفائها من السرطان وانو خلّصت علاجها. بس الحياة كان الها رأي تاني. دينا رجعلها السرطان وهلق عم بتعيش تجربة تانية.
وصلت دينا اليوم عالمركز ومعها قجة ورسالة. حسب يلي كتبته، هيدي القجة معنوية ومش مادية وانو المركز مصدر قوتها وايمانها واملها بالحياة.
دينا، انتي وأطفال المركز مصدر قوتنا! انتو مصدر ايماننا بمهمتنا واملنا وامل لبنان انو في جيل هيك بيتعامل مع مشاكل ومصاعب الحياة. لإلك منا كل الاحترام والتقدير، ولتفكيرك بقجة من مصروفك الخاص بهالأوضاع كرمال تساعدي المركز، كل الإجلال.
اليوم هو تجربة جديدة لدينا ودرس النا كلنا. اليوم هو فرصتنا التانية لدعم مستقبل وطموحات دينا”.
